يااااه
من وين بدنا نبلش ولوين بدنا نوصل ..
بالنسبة للمشمش واللي موسمه بيبلش بأول ستة وبسرعة بيخلص ،فبيكون موسم حافل كمان..
وبالأخص انه سبسطية بتشتهر بأشجار كتيرة منه نظراً لأرضها الجبلية وجوها المعتدل ، بيتجتمع العائلات \\وطبعا عائلتي واحدة منهم \\ لتتعاون كل وحدة على قطف أراضيها ، بياكلوا بعضه والبعض منه بيعملوه مربى والباقي والفائض طبعا بيتم بيعه في السوق المحليّة " نابلس "، ولكن هون بيواجهوا مشكلة كبيرة اللي هي منافسة المشمش الاسرائيلي الأقل جودة من مشمشنا للمشمش السبسطاوي والفلسطيني بشكل عام ، وطبعا بيضطر الفلاح يبيع باسعار زهيدة جدا ولا انه يتلف المحصول ، بالنسبة للسنة المشمش كان قليل كتير ، فما حد اضطر يبيع لبرا ..
بالنسبة للخوخ ،
فمنه انواع كتيرة وكل نوع بيختلف موسمه اختلاف بسيط جدا بيضل من اخر شهر 6 لآخر 7 ، وطبعا بيكون موسمه أطول وأتعب على العائلات ، والمحصول اللي بيجنوه طبعاً أكثر ..
بالنسبة لأنواعه واللي متذكرها هسا :
1 سنتاروزة
2 ابو زكم
3 ابو وشمة
4 خشخاش
5 وفيه واحد اظن اسمه صفار شغلة بيكون صغير واصفر ولذيذ
6 وفيه نوع اسمه " اصفر " هيك حاف ، وكمان زاكي ..
بتمنى أني كنت قد قدمت معلومات كافية ..
السنة الفواكة كانت بالمرة مش زاكية
